Wenner lê knus teen die berg

8 Sep

Author: Biénne Huisman

Publications:  Rapport

Date Publiched: 20 Augustus 2013

Suid-Afrika se huis van die jaar lê knus teen die hang van Tafelberg in die rykmansbuurt Higgovale.

Hier woon die ingenieur Craig Sutherland, sy vrou, Colleen, hul tieners Keegan, Adrienne en ­Ca­sey, en die twee honde, Stitch en Mia.

Daar is ’n braaiplek op twee vlakke, ’n pizza-oond reg langs die swembad en ’n asemrowende uitsig oor Kaapstad.

Die luukse vyfslaapkamer-woning het die afgelope week tien finaliste geklop in ’n nasionale kompetisie waarin lesers van die tydskrif Home and Lei­sure aanlyn kon stem vir hul guns­teling.

Sowat 20 000 mense het aan die kompetisie deelgeneem.

Volgens Colleen is die stoep haar spesiale plek. “Dit is heerlik om in die somer daar tyd deur te bring terwyl jy oor die see uitkyk.” Vir Craig is al die onthaalkeuses ’n groot pluspunt.

Naomi Larkin, redakteur van Home and Leisure, sê hoewel dit ’n regte gesinswoning is, is dit baie gesofistikeerd.

Die Sutherland-gesin het die huis 11 jaar gelede gekoop en verlede jaar verbou.

Van die ander huise wat ook om dié gesogte titel meegeding het, was die Hermanus-strandhuis wat deur Herman Pretorius gebou is. Hy is van ’n piramide-skema aangekla en het hom en sy vennoot in Junie verlede jaar om die lewe gebring.

Dié huis met sy see-aansig in Voëlklip het volgens die argitek Stefan Antoni “’n gevoel van vrede, baie ruimte en is gevul met sonlig”.

Die eiendom het verlede jaar die Suid-Afrikaanse Instituut vir Argitekte se toekenning vir uitnemendheid gewen. Dit is in April vir R16,5 miljoen op ’n veiling verkoop.

Die binnenshuise versierder Astrid van der Heim se huis in Killarney, die argitekte Xavier en Carine Huyberechts se huis in Houghton en Kobus Nieuwoudt s’n in Nature’s Valley was ook onder die finaliste.

Leave a Reply/Los Kommentaar

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: