Tag Archives: susan ann pretorius

Beleggers kry glo iets terug

16 Apr

Author: Marelize Barnard

Publications: Die Burger

Date Published : 16 April 2015

Goeie nuus vir beleggers wat in Herman Pretorius se beleggingskemas belê het, is dat hulle wél van hul geld sal terugkry.

Die gesamentlike trustees van die insolvente boedel van Pretorius se Relative Value Arbitrage Fund (RVAF) Trust het in die jongste vorderingsverslag dié nuus aan beleggers bekend gemaak.

“Dit is duidelik dat daar wesenlike fondse vir verspreiding onder beleggers beskikbaar sal wees,” lui die verslag.

Die trustees het aangedui dat hulle binnekort aansoeke in die Wes-Kaapse hooggeregshof gaan indien vir die tersydestelling van hofbevele wat verkry is om die bates van verskeie van Pretorius se entiteite te bevries.

Die trustees het die bates bevries uit vrees dat Pretorius se weduwee, Susan-Ann, die bates vir haar sou vat.

Nou is dit nodig om die hofbevele tersyde te stel sodat daar ’n vollediger prentjie verkry kan word van die bedrag geld wat vir beleggers beskikbaar is.

Beleggers wat reeds eise ingedien het, asook nuwe eise wat deur beleggers ingedien word, sal ingevolge die Insolvensiewet deur die trustees beoordeel word vir moontlike uitbetalings.

 Pretorius se geldsake van 2004 tot 2012: ’n Opsomming van Pretorius en die RVAF-groep se finansiële situasie van 2004 tot sy skietdood in 2012 toon volgens kwitansies dat R2,5 miljard van beleggers en ander bronne ingevorder is. 

Altesaam R2,1 miljoen van dié bedrag was ten tyde van Pretorius se dood in die RVAF-rekening. 

Vir eie gewin: Pretorius het R753 miljoen van dié geld gebruik vir alles behalwe uitbetalings aan beleggers, volgens ’n opsomming van die RVAF-groep se inkomste en uitgawes wat deur forensiese ouditeurs in opdrag van die trustees opgestel is.

Goeie nuus vir beleggers wat in Herman Pretorius se beleggingskemas belê het, is dat hulle wél van hul geld sal terugkry.

Die gesamentlike trustees van die insolvente boedel van Pretorius se Relative Value Arbitrage Fund (RVAF) Trust het in die jongste vorderingsverslag dié nuus aan beleggers bekend gemaak.

“Dit is duidelik dat daar wesenlike fondse vir verspreiding onder beleggers beskikbaar sal wees,” lui die verslag.

Die trustees het aangedui dat hulle binnekort aansoeke in die Wes-Kaapse hooggeregshof gaan indien vir die tersydestelling van hofbevele wat verkry is om die bates van verskeie van Pretorius se entiteite te bevries.

Die trustees het die bates bevries uit vrees dat Pretorius se weduwee, Susan-Ann, die bates vir haar sou vat.

Nou is dit nodig om die hofbevele tersyde te stel sodat daar ’n vollediger prentjie verkry kan word van die bedrag geld wat vir beleggers beskikbaar is.

Beleggers wat reeds eise ingedien het, asook nuwe eise wat deur beleggers ingedien word, sal ingevolge die Insolvensiewet deur die trustees beoordeel word vir moontlike uitbetalings.

 Pretorius se geldsake van 2004 tot 2012: ’n Opsomming van Pretorius en die RVAF-groep se finansiële situasie van 2004 tot sy skietdood in 2012 toon volgens kwitansies dat R2,5 miljard van beleggers en ander bronne ingevorder is. 

Altesaam R2,1 miljoen van dié bedrag was ten tyde van Pretorius se dood in die RVAF-rekening. 

Vir eie gewin: Pretorius het R753 miljoen van dié geld gebruik vir alles behalwe uitbetalings aan beleggers, volgens ’n opsomming van die RVAF-groep se inkomste en uitgawes wat deur forensiese ouditeurs in opdrag van die trustees opgestel is.

Pretorius het die miljoene rande eerder gebruik om onder meer vir homself luukshede, soos ’n Aston Martin-sportmotor (R1,7 miljoen), aan te skaf asook talle eiendomme en duur juwele vir sy vrou, Susan-Ann, en hul seuns.

Aandele vir homself gekoop:Pretorius het R80 miljoen gebruik om onder meer vir homself aandele in Wesizwe Platinum te koop, luidens die trustees se verslag.

Die trustees is nog in die duister oor waarom Pretorius verskeie groot bedrae in Wesizwe belê het.

Die vermoede is dat hy daarmee wou spekuleer in die hoop dat hy daardeur sy jare lange Ponzi-skema kon verdoesel.

  Makelaars: Die makelaars wat onder meer niksvermoedende pensioentrekkers oortuig het dat Pretorius se RVAF-groep ’n veilige keuse is om hul pensioengeld in te belê, het R124,6 miljoen se betalings van Pretorius ontvang, luidens die verslag. 

Vordering word tans gemaak met eise teen die onderskeie makelaars wat uitbetalings ontvang het. Wanneer die geld ingevorder word, sal dit meer geld vir beleggers beteken.

Susan-Ann het R4,18 miljoen van haar man ontvang.

Ander betalings wat deur Pretorius gemaak is (wat nie deur die forensiese ouditeurs gespesifiseer is nie) beloop R164 miljoen.

Die trustees noem verder dat Pretorius se familietrusts intussen met welslae gesekwestreer is.

Pretorius het oor die jare verskeie trusts gestig om homself, sy vrou en hul twee seuns te begunstig.

Die bates wat deur die trusts bekom is, sluit in ’n luukse vakansiehuis in Hermanus, die Pretorius-gesin se huis in Welgemoed en twee eiendomme vir sy seuns in onderskeidelik Higgovale en Claremont – wat intussen op openbare veilings deur die RVAF-trustees verkoop is.


KLEINGELD

R2,1 miljoen

Van die R2,5 miljard wat van beleggers ingevorder is, was net R2,1 miljoen in die RVAF-rekening oor.

Advertisements

Weelde met Ander se Geld

29 Nov

Almari Wessels

Huisgenoot

14 August 2014

Ons loer in die swendelaar Herman Pretorius se spogwoning met sy duur meubels, en vra die mening van twee binneversierders.

Daar is lang splete in die imposante veiligheidshek en terwyl ons vir die agent wag, kan ons nie help om solankndaardeur te loer om ‘n glimp te kry van die rykmanshuis daaragter waaroor al so baie geskryf en gegis is nie.
Die deel van die huis wat ons sien, is teleurstellend: Die gras is hopeloos te lank en die plante en bome lyk moeg en verwaarloos, glad nie wat mens in Welgemoed, een van Kaapstad se spogwoonbuurte, verwag nie.
Maar nou ja, die huis se gewese inwoners moes die afgelope twee jaar seker groter probleme as gras sny trotseer.
Die openbare veilingvan die kasarm by Van de Graafstraat 26 is een van die laastehoofstukke in ‘n opspraakwekkende drama wat op 26 Julie 2012 begin het toe die patriarg Herman Dempers Pretorius hom en sy oudsakevennoot Julian Williams in Julian se kantoor in Kaapstad doodskiet.
Die “beleggingsmagnaat” Herman is na sy dood as ‘n swendelaar ontmasker en die “fondse” waarin beleggers sowat R2,2 biljoen bele het, was toe eintlik piramideskemas.
En nou word die huis waarin Herman, sy vrou, Susan-Ann (53), en hul seuns van in die 20, Andrew en Christopher, gewoon het, opgeveil en kan die publiek vir die eerste keer sien hoe die binnekant lyk.
Susan-Ann is in Oktober verlede jaar finaal in die Wes-Kaapse hooggeregshof gesekwestreer nadat sy die aansoek hewig teengestaan het. Daarna kon die trustees van twee van haar man se “beleggingskemas”, die Relative Value Arbitrage Fund en Seca Trust, eindelik die huis laat opveil.
Die gesin se vakansiehuis op Hermanus is verlede jaar al vir R16,5 miljoen opgeveil en twee eiendomme wat Herman vermoedelik vir sy seuns aangeskaf het, ‘n huis in Oranjezicht en ‘n woonstel in Claremont, het onderskeidelik R4,9 miljoen en R3,2 miljoen gehaal.Herman en Susan-Ann het die Welgemoed huis in 22004 vir R2.5 miljoen gekoop, maar voor sy dood het Herman die waarde van die huis op R25 miljoen geraam nadat die gesin binne twee jaar sowat R13.3 miljoen aan bouwerk en binneversiering bestee het.
En vandag kom Huisgenoot kyk hoe die indrukwekkende glaspaleis wat met ander se geld gebou is, binne lyk. Ons het twee binneversierders genooi om saam te kom en hul indrukke te deel: Nico Alberts van Nico Alberts Interiors en Nicola Rossouw van House Couture Interior Design, albei van Kaapstad.
Van Buite
Mens mag nie alleen op die erf van 3200 m2 of in die huis ronddwaal nie, en die afslaer Claremart se agente kom haal mense by die elektroniese hek. Op versoek van Susan-Ann mag besoekers ook geen foto’s neem nie.
‘n Mens verstaan dadelik waarom die huis die bynaam glaspaleis gekry het: Al die glas skuifdeure en -vensters laat dit lyk of die buitemure van glas is.Die glas word afgewissel met moderne staalstruture en afrondings van sandklip versag die andersins strak en harde lyne. Die soort ontwerk is baie modern en tipies van hedendaagse Suid-Afrikaanse argitektuur, se Nico en Nicola.
Ingang en GrondVerdieping
Wanneer jy die huis deur die reuse glasdeure binnestap, is jou eerste indruk een van ‘n ontsaglike, gestroopte ruimte. Die grondverdieping is ‘n enorme dubbelvolume-vertrek met reuse glasvensters, gordyne en blindings wat twee verdiepings ver van die plafon tot by die vloer strek.
Die elegante kroonkandelaar van handgeblaasde glas hang ook twee verdiepings diep en is sowat R30 000 werd, se Nicola.
Die gordyne en blindings word met afstandbeheer oop-en toegemaak en is ontwerp om ‘n warm, knus dop vir die andersins koue en taamlik siellose omgewing geskep.
In ‘n hoek lei ‘n elegante marmer trap met glasrelings na die tweede verdieping. Die relings en raamlose glas moes ook nagenoeg R30 000 gekos het, raam Nicola.
Die meubels om die grondverdieping is gerangskik sodat dit vier afsonderlike vertrekke vorm wat inmekaarvloei en net geskei word deur afskortings wat sonder deure van die plafon tot op die grond strek.
Al die sagte meubelbedekkings is neutrale kleure, en tekstuur word verleen deur materiale wat wissel van ryk fluweel tot linne van aardse kleure, verduidelik Nico.
Die vloer is van marmer waarop spesiaal ontwerpte wolmatte in ligte skakerings plek-plek neergesit is, en teen die mure hang kontemporere kunswerke wat perfek met die kleurskema saamsmelt. Die matte is elk tussen R30 000 en R50 000 werd, skat die binneversierders.
Elke vertrek is met ‘n fokuspunt ontwerp, verduidelik Nico. Die fokuspunt van die hoof-leefvertek is ‘n lang, plat, supermoderne kaggel en die van die TV-kamer langs die kombuis is elegante, grys mure wat met materiaal oorgetrek is.
In die hoofleefvertrek staan ‘n L-vormige ontwerpersbank wat volgens hofdokumente R48 600 gekos het. Nicola raam die gesamentlike waarde van die banke en die stoele op die grondverdieping op sowat R130 000.
Twee kombuistafels wat op ‘n oop oppervlak langs die televisiekamer staan, is volgens Nicola sowat R55 000 elk werd. Die stoele is weg: Suasn-Ann het dit glo saamgeneem. “Met die stoele by sal die tafels sowat R150 000 elk werd wees.” se Nicola.
Die enorme kombuis bestaan uit drie lang, smal vertrekke met afskortings tussenin en is elke sjef se droom. Die toonbanke is met graniet afgewerk en die kaste is van kiaathout – “modern en goed afgerond”, meen Nico.
Aan die kombuis grens ‘n motorhuis met ‘n marmervloer waar die Pretoriusse se Aston Martin DB van R2,5 miljoen en ‘n Range Rover van sowat R1 miljoen waarskynlik geparkeer gestaan het.
Eerste Verdieping
Die poraal van die eerste verdieping het vloere van soliede hout. Reg langs die trap staan ‘n Barcelona-dagbed, ‘n ikoniese meubelstuk geinspireer deur die beroemde Duits-Amerikaanse argitek Mies van der Rohe.
Ons loop na die slaapkamers, wat almal volvloerwoltapyte het. Soos ‘n mens kan verwag, het die hoofslaapkamer ‘n weelderige instapkas. Die skrynwerk hier is spesiaal vir die vertrek ontwerp en met ‘n liggrys Duco-verf (‘n soort emaljeverf) afgewerk, verduidelik Nico. In die hoek van die instapkas is ‘n glasstort wat tot by die dak strek en op ‘n binnenshuise tuin afkyk.
Al die beddens in die slaapkamers het ‘n koppenent van Franse Linne en chenille wat van muur tot muur strek. Elke slaapkamer het ook ‘n en suite-badkamer met glasstorte, mmarmervloere en -mure en in die hoofslaapkamer is marmertrappies tot in die bad.
In wat vermoedelik die Pretorius-seuns se kamers was, staan rugbyballe en speelgoedbbeertjies nog op die rakke. Op die een kamer se vloer is drie lee Adidas-bokse opmekaargestapel.
Al die kamers het glasdeure wat na ‘n balkon lei van waar mens ‘n pragtige uitsig het op ‘n lang, nou swembad en die lower-groen boomtoppe van Welgemoed.
‘n Mens kan van hier af ook sien hoe verwaarloos die tuin eintlik is en die in die linker-hoek van die grasperk le ‘n verdwaalde rugbybal. Dis alles tekens van die lewe wat die ggesin eens hier op die omheinde erf gelei het.
Kelderverdieping
Nog ‘n paar stelle marmertrappe later kom ons in die kelderverdieping aan, waar die vertrekke is van waar die Pretorius-gesin hul elektrisiteit so opgejaag het. Volgens ‘n broon na aan die ondersoek het die gesin elke maand byna R40 000 aan krag bestee en as jy die wynkelder, gimnasium, sauna en rolprentkamer sien, kan jy verstaan hoekom.
Die wynkelder is van dak tot vloer van hout en die temperatuur word elektronies beheer, se Nicola. Die glasdeur daarheen is gesluit, maar jy kan sien die rakke dra nog tiientalle bottels wyn.
In die gang wat na die gimnasium en wynkelder lei, staan twee lae uitgekerfde houtbankke. Die rolprentkamer het meubels in ‘n Indonesiese styl: uitskopleerstoele en ”n lang, halfronde bank met sitplek vir maklik agt mense. Nicola skat die waarde van die meubels op sowat R80 000.
In die gimnasium is ‘n trapmeul, ‘n roeimasjien, verskeie gewigte, nog oefeninstrumente en neffens die gimnasium is ‘n piepklein sauna.
En Wat is die Kenners se Oordeel?
Die huis is vir hom koud en sielloos, is Nico se slotsom toe ons weer buite die elektroniese hek staan. Nicola stem saam – die decor is taamlik klinies en onpersoonlik, se sy, maar ‘n mens moet ook onthou dis mense se gekoesterde persoonlike besittings wat lewe aan andersins karakterlose vertrekke gee, en die is lankal hier verwyyder.

Ekstra Bronne: Die Burger, Moneyweb

‘Ek was net ‘n huisvrou

17 Aug

Author: Marelize Barnard

Publications: Rapport

Date Published : 16 August 2014

Vrydag was ’n baie lang en baie moeilike dag vir die Kaapse miljoenêr-huisvrou en weduwee, Susan-Ann Pretorius (53).

Buiten dat sy gepeper is met vrae oor geld wat sy van haar ontslape piramideskema-swendelaarman sou gekry het, moes sy ook ’n ring met ’n diamant van 3,3 karaat, ’n Tag Heuer-horlosie, asook haar Tod’s- en Louis Vuitton-handsakke aan die kurators van haar man se gesekwestreerde trusts oorhandig.

Op 26 Julie 2012 het ondersoekers van die afdeling vir finansiële adviseurs en tussengangerdienste (Fais) haar man, Herman (55), ondervra by sy kantoorkompleks in die Tygerwaterfront in Bellville.

Herman het homself verskoon en gesê hy gaan toilet toe, maar het in sy Aston Martin-sportmotor geklim, na sy eertydse sakevennoot, Julian Williams, se kantoor in die Kaapstadse middestad gery en eers vir Williams en daarna homself doodgeskiet.

Sedertdien het dit aan die lig gekom dat beleggers R2,2 miljard in Herman se piramideskema belê het.

Nou moet Susan-Ann al die vrae beantwoord. “Ek het niks te doene gehad met die besigheid nie,” het ­Susan-Ann Vrydag gesê toe adv. Almero de Villiers (vir die kurators) haar ondervra het.

“Ek het die huissake behartig. Ek het ons kinders (Christopher en ­Andrew) grootgemaak . . .na die tuin omgesien . . . kos gekook. Ek was nie net ’n lui huisvrou nie.”

Volgens De Villiers probeer die kurators vasstel of en hoe sy baat gevind het by betalings as trustee van sommige van Herman se trusts of as ’n beguns­tigde.

“Kan ek net iets sê? Ek is seker maar dom. Sedert 1991 het ek niks te doene gehad met my man se besigheid nie.”

Volgens haar het sy het nooit rede gehad om te glo hy is nié die man saam met wie sy 31 jaar lank was nie.

“Dit is alles goed wat nou uitkom,” het sy Vrydag gesê.

Op Herman se begrafnis op 1 Augustus 2012 in die NG kerk Welgemoed het dr. Braam Hanekom, wat die diens behartig het, gesê Herman het vroeër aan hom genoem hy het ’n toekomsvisioen gehad dat hy “baie mense gaan seermaak”.

Herman, wat graf toe is met die geheim van wat hy met die miljarde rande in beleggersgeld gedoen het, het nêrens vir sy onderneming, Abante Capital-groep, behoorlik boekgehou nie.

In die meeste gevalle het hy nie skriftelike ooreenkomste gesluit nie.

In twee gevalle het hy sommer R30 miljoen beleggersgeld uitgeleen met mondelinge ooreenkomste.

Groot bedrae wat hy van beleggers ontvang het, is nooit in ’n bankrekening gedeponeer nie. Net ’n breukdeel van beleggers se geld is deur batebestuurders belê en bestuur.

Herman het wel spogeiendom en -besittings aangeskaf – volgens ’n e-pos wat hy kort voor sy dood geskryf het, was dit in daardie stadium R126 miljoen werd.

Dit het ingesluit:

* ’n Aston Martin DBS ter waarde van R2,5 miljoen (ná Herman se dood vir R1,7 miljoen verkoop);
* ’n Vakansiehuis in Voëlklip, Hermanus (in April 2013 vir R16,5 miljoen opgeveil);
* ’n Kantoorkompleks in die Tygerwaterfront (intussen opgeveil);
* ’n Marmer-paleis in Welgemoed wat in Susan-Ann se naam geregistreer was en Vrydag opgeveil is vir R12,8 miljoen (selfs die motorhuis van dié spoghuis het marmerteëls);
* Twee eiendomme vir sy seuns in Higgovale en Claremont in Kaapstad (intussen opgeveil);
* ’n Vakansiehuis op Malgas naby Swellendam.

Ringe, sakke

Susan-Ann het Vrydag eers ontken dat sy nog in besit is van ’n ring met ’n diamant van 3,3 karaat. Sy het eers aangevoer dat dit by hul vakansiehuis in Hermanus weggeraak het, maar tydens ondervraging het sy erken sy het dit steeds. Sy moes dit daarna aan die kurators oorhandig.

Vir Susan-Ann se 50ste verjaardag het Herman vir haar ’n armband van R105 000 gegee. Sy moes dit ook aan die kurators oorhandig. Ook haar Tag Heuer-horlosie, asook haar Tod’s- en Louis Vuitton-handsakke.

Maar van ’n diamant van 1,7 karaat ter waarde van R98 900 wat Herman gekoop het of ’n Rolex- en Cartier-horlosie ter waarde van R170 000 weet sy niks.

“Miskien het hy dit vir iemand anders gekoop. Ek weet nie,” het Susan-Ann Vrydag gesê.

Al wat oor is in die luukse Pretorius-woning

17 Aug

Author: ANIKA MARAIS

Publications: Beeld

Date Published : 16 August 2014

KAAPSTAD. – Susan-Ann Pretorius is haar huis gister binne net drie minute kwyt.

Pretorius, weduwee van die swendelaar Herman Pretorius, se luukse huis in Welgemoed, Bellville, is gistermiddag deur ClareMart opgeveil.

Die hamer het ná net drie minute op R12,8 miljoen (kommissie ingesluit) geval nadat ’n plaaslike bieër die huis namens ’n oorsese koper gekoop het. Die koper en die bieër wou anoniem bly.

Die huis – met onder meer sewe slaapkamers, ’n gimnasium, ’n rolprentteater, ’n sauna en ’n wynkelder – is teen ’n “goeie prys” verkoop, het die afslaer, Jonathan Smiedt, hoof van ClareMart, gesê.

“Ons navorsing toon dat daar tussen R15 miljoen en R20 miljoen aan die huis bestee is. En dit was agt jaar gelede, onthou. As dié huis in die Atlantiese kusgebied gestaan het, sou ons dit vandag vir R25 miljoen tot R30 miljoen verkoop het.

“Vir die woonbuurt waarin die huis geleë is, is dit egter ’n goeie prys. Nie ’n winskopie nie, maar ’n goeie prys.”

Ongeveer 30 mense het gister as moontlike kopers by die veiling geregistreer, maar net vier het uiteindelik gebie.

Die huis was voor die veiling oop vir besoekers om deur te stap.

Sandra Simpson, ’n belegger wat geld in Pretorius se piramideskema verloor het, het die veiling bygewoon.

Ek het hard vir die geld gewerk wat ek by hom belê het. En ons het hom almal vertrou. Hy was vriendelik en vreeslik met sy Bybel onder die arm.
Sandra Simpson, ’n belegger wat geld in Herman Pretorius se piramideskema verloor het.
​“Dit is walglik om te sien hoe skaamteloos en sonder enige skuldgevoel ons geld gesteel en op dié huis uitgegee is. Ek was ses maande depressief nadat ek my geld verloor het.

“Ek het hard vir die geld gewerk wat ek by hom belê het. En ons het hom almal vertrou. Hy was vriendelik en vreeslik met sy Bybel onder die arm,” het sy vertel.

Twee vroue wat naby aan die drieverdiepinghuis in De Graaffstraat 26 woon, het ook na die huis kom kyk.

“Ja, die huis het ’n mooi uitsig, maar dis darem baie koud. Dit lyk nie gemaklik om hier te woon nie,” het die een vrou gesê.

“Die huis pas glad nie in die omgewing nie. Dit staan lelik uit. Die dag toe hulle die huis begin bou het, het ek aan my tuinman gesê: ‘Wat gaan hier aan? Bou hulle nou ’n 7-Eleven hier oorkant?’ ” het die ander vrou vertel.

Die huis het gister net enkele artikels gehad wat daarop dui dat Susan-Ann Pretorius tot onlangs nog in die huis gewoon het. Sy moes aan die begin van die maand uittrek en kon net ’n bed en ’n yskas saamneem.

In die studeerkamer het ’n pienk leesbril, wat oor die toonbank gekoop kan word, voor die rekenaar gelê. In die snippermasjien langs die lessenaar het versnipperde papiere, wat soos bankstate lyk, uitgepeul.

In die gimnasium het haar handgeskrewe oefenprogram en oefenhanddoek agtergebly. Sy het ook ses botteltjies bloekomolie in die sauna vergeet.

Die verkoop van die huis sal vroeg volgende week deur die trustees bevestig word.

Weduwee sal haar ring gee

17 Aug

Author: Marelize Barnard

Publications: Weduwee sal haar ring gee …nadat sy gesê het dit is weg

Date Published : 16 August 2014

Susan-Ann Pretorius gister buite die Bellville-landdroshof waar sy vrae beantwoord het in ’n sekwestrasie-ondervraging. Sy het in die ondervraging ingestem om ’n ring van R400 000 aan die likwidateurs te oorhandig nadat sy eers aangevoer het dat dit ’n paar jaar gelede weggeraak het. Foto: Lulama Zenzile
KAAPSTAD. – “Ek het nie die ring nie . . . Dit was nie die ring nie.”

En toe Susan-Ann Pretorius hoor sy kan tronk toe gaan vir meineed: “Ja, ek het die ring. Ek sal dit vir jou bring. Dit sal nie vir my enige geluk bied nie.”

Gister was ’n moeilike dag vir Pretorius, weduwee van die swendelaar Herman Pretorius.

Terwyl sy in ’n sekwestrasie-aansoek in die Bellville-landdroshof met vrae gepeper is oor juwele van honderdduisende rande wat ná Pretorius se dood soek geraak het, is haar spoghuis ’n paar kilometer verder in Welgemoed, Bellville, opgeveil.

Sy het in die ondervraging deur adv. Almero de Villiers (vir die kurators) eers volgehou dat haar troupand – met ’n diamant van 3,2 karaat en ’n waarde van R400 000 – ’n paar jaar gelede by die gesin se vakansiehuis in Voëlklip, Hermanus, weggeraak het.

De Villiers het gevra watter ring sy op haar man se begrafnis gedra het, waarop sy geantwoord het dat dit ’n namaaksel was.

De Villiers het dit weer gestel dat Pretorius die geleentheid het om te antwoord of sy steeds in besit van die ring van R400 000 is.

Hy het genoem dat ’n persoonlike assistent van Preto­rius reeds getuig het dat sy (Pretorius) die ring op haar man se begrafnis gedra het.

Sy het weer geantwoord sy het nie die ring nie. Die ring wat sy op die begrafnis gedra het, was ’n namaaksel.

De Villiers het hierna aangevoer dat juweliers ingeroep sal word om te sê of dit die ring aan haar vinger is wat op begrafnisfoto’s gesien kan word. As dit dieselfde ring is, sal sy in hegtenis geneem en tronk toe kan gaan weens meineed.

Hierna het Pretorius bevestig dat sy steeds die ring het en dit sal oorhandig.

Gister se sekwestrasie-ondervraging het bly draai om duur juwele en waar dit tans kan wees.

Pretorius het bevestig dat sy ’n armband ter waarde van R105 000 by haar man gekry het vir haar verjaardag. Sy het ook ’n Tag Heuer-horlosie wat sy aan die likwidateurs sal oorhandig.

Ek het nie die ring nie . . . Dit was nie die ring nie.
Susan-Ann Pretorius
​Sy het egter ontken dat sy enigiets weet van ’n diamant van 1,7 karaat wat R98 800 werd is, ’n Cartier-horlosie van R168 000 en ’n “goedkoperige” Rolex-horlosie van R36 400.

Sy het gister ook twee waardevolle handsakke, ’n Tod’s en ’n Louis Vuitton, saam met haar na die ondervraging gebring om aan die likwidateurs te oorhandig.

Die ondervraging is tot 10 Oktober uitgestel.

Pretorius se regsverteenwoordiger is Etienne Naude. De Villiers is bygestaan deur Pierre du Toit van Mostert en Bosman.

Susan-Ann Pretorius se huis vir R12.8 m opgeveil

16 Aug

Author: ANIKA MARAIS

Publications: Die Burger

Date Published : 15 August 2014

KAAPSTAD. – Die bod is Vrydagmiddag op R12.8 miljoen op Susan-Ann Pretorius se ontwerpershuis in Welgemoed toegestaan.

Die ​spoghuis is om 12:00 deur ClareMart opgeveil, nadat Pretorius vroeër vanjaar finaal gesekwestreer is.

’n Plaaslike bieër het namens ’n internasionale koper die huis gekoop. Die koper wou anoniem bly.

Die veiling was binne net drie minute afgehandel.

Die huis is gebou met die geld van beleggers wat R2,2 miljard by Herman Pretorius, Susan-Ann se man, belê het.

Talle ​belangstellendes het op 3 Augustus saamgedrom om die huis van nader te besigtig voor die veilig op 15 Augustus.

Pretorius-weduwee voorlopig gesekwestreer

17 Sep

Author: Marelize Barnard

Publications:  Die Burger

Date Publiched: 17 September 2013

KAAPSTAD. – Susan-Ann Pretorius, weduwee van die piramide-beleggingsmous Herman Pretorius, is voorlopig gesekwestreer.

Regter André Blignaut het gister die bevel van voorlopige sekwestrasie uitgevaardig nadat Susan-Ann Pretorius ’n aansoek om sekwestrasie in die Wes-Kaapse hooggeregshof teengestaan het.

Blignaut het bevind Susan-Ann Pretorius was, ondanks ’n “magdom dokumentasie” wat haar met betalings in haar guns verbind, nie bereid “om selfs een” te erken nie. “Terselfdertyd ontken sy ook nie dat sy dit (die betalings) ontvang het nie.”

Die regter het gesê hy stem saam met die regspan van die kurators van wyle Herman Pretorius se Relative Value Arbitrage Fund (RVAF) en die Seca Trust dat Susan-Ann Pretorius “ontwykend” is.

’n Forensiese ondersoek het getoon dat R17,7 miljoen regstreeks aan of namens haar betaal is.

Sy was die geregistreerde eienaar van ’n eiendom, Van de Graaffstraat 26 in Welgemoed, waarvoor daar tussen 23 Februarie 2005 en 16 Januarie 2007 R13,3 miljoen betaal is aan bouers en binnehuisversierders.

Die eerste applikant teen haar, die likwidateur Lambertus von Wielligh Bester, het aangevoer ’n eis van R107 miljoen teen haar is geregverdig omdat sy haar plig as ’n trustee van die Seca Trust versuim het. Bester voer aan ongeveer R130 miljoen van beleggers se geld is deur Pretorius uit die RVAF-bankrekening na die Seca Trust oorgeplaas.

Verder is daar uit die RVAF Trust R4,18 miljoen ten gunste van Susan-Ann Pretorius betaal. Hiervan is R900 000 in haar verbandrekening betaal. Op 31 Mei 2011 is ’n bedrag van R350 000 in haar Nedbank-rekening gestort.

Blignaut het in sy beslissing uitgewys hoewel elke betaling ondersteun is deur dokumentasie wat Susan-Ann Pretorius met die RVAF en Seca Trusts verbind, haar verweer was dat die applikante nie bewyse daarvan gelewer het nie.

Volgens Blignaut is daar wel bewyse dat die betalings van die onderskeie trusts aan of namens Susan-Ann Pretorius gemaak is.

“Daar is ook rede om te glo dat haar sekwestrasie tot voordeel van haar krediteure sal wees,” het Blignaut in sy uitspraak gesê.

Die aansoek is tot 14 Oktober uitgestel as deel van die proses van ’n bevel vir finale sekwestrasie.

 

Lees Artikel in Die Burger

Als donasies, sê weduwee

20 Aug
Welgemoed

Welgemoed

Author: Marelize Barnard

Publications:  Die Burger

Date Publiched: 20 Augustus 2013

KAAPSTAD. – Die weduwee van die piramide-beleggingsmous Herman Pretorius gaan môre aan die hof verduidelik waarom sy nie gesekwestreer moet word nie.

Susan-Ann Pretorius beveg ’n sekwestrasie-aansoek teen haar en voer aan sy was bloot ’n huisvrou wat “donasies” ontvang het van haar “eertydse suksesvolle sakeman-eggenoot”.

Lambertus von Wielligh Bester, likwidateur wat die sekwestrasie-aansoek teen Susan-Ann in die Wes-Kaapse hooggeregshof bring, meen egter sy het nie enige bewyse gelewer dat Pretorius ’n suksesvolle sakeman was nie.

“My oorlede man het voor 2004 suksesvolle besighede gehad wat ons, byvoorbeeld, daartoe in staat ………

Continue reading this article

Pretorius-motor verkoop

19 Jan

Author: Marelize Barnard

Publications:  Die Burger

Date Publiched: 19 January 2013

KAAPSTAD. – Wyle Herman Pretorius se windmaker Aston Martin-sportmotor is vir R1,7miljoen verkoop. Maar nou is die vraag of Pretorius se weduwee, Susan Ann, dié geld kan kry.

Sy het in Desember in ’n beëdigde verklaring genoem “die Aston Martin” is verkoop en dat die bedrag van R1,7miljoen mettertyd in die trustrekening van haar prokureur, Etienne Naude, inbetaal sal word.

Intussen is daar steeds ’n dispuut tussen haar en die eksekuteurs van Pretorius se Relative Value Arbitrage Fund-trust (RVAF) oor Pretorius se boedel. Pretorius se weduwee is die eksekuteur van sy boedel en staan ’n aansoek in die Wes-Kaapse hooggeregshof teen dat die boedel gesekwestreer word.

Die Aston Martin is per ooreenkoms tussen die kurators van die RVAF-trust en Susan Ann verkoop en die geld is in ’n trustrekening geplaas totdat die dispuut oor die eienaarskap van die R1,7miljoen opgelos is.

Die kurators wou by navraag nie kommentaar lewer oor enige dispuut met haar nie. Die aansoek vir die sekwestrasie van Pretorius se boedel word weer op 14 Februarie in die hooggeregshof aangehoor.

Susan Ann het verder in haar beëdigde verklaring bevestig dat sy kort ná Pretorius se dood £80000 (R1,1miljoen) uit sy persoonlike rekening by HSBC in Londen onttrek het.

Pretorius is op 26 Julie verlede jaar dood en die geld is van 1 Augustus af dag na dag uit die rekening onttrek.

Bedrae van £10000 (R141000) per dag is tussen 1 tot 8 Augustus …..

Continue reading this article